കൊച്ചി: സ്ത്രീകള്ക്കും കുട്ടികള്ക്കും എതിരേയുള്ള കുറ്റകൃത്യങ്ങളില് അതിവേഗ അന്വേഷണവും വിചാരണയും പൂര്ത്തിയാക്കി കുറ്റവാളികളെ ശിക്ഷിക്കുന്നതില് കേരളം രാജ്യത്തിനു മാതൃകയാണെന്ന് മുഖ്യമന്ത്രി പിണറായി വിജയന്.
ഒരു കുറ്റം നടന്ന് നൂറു ദിവസത്തിനുള്ളില്ത്തന്നെ അന്വേഷണവും വിചാരണയും പൂര്ത്തിയാക്കി പ്രതിയെ ജയിലിലെത്തിക്കാന് സംസ്ഥാനത്തിനു കഴിയുന്നുണ്ട്.
ഡയറക്ടറേറ്റ് ഓഫ് പ്രോസിക്യൂഷന്റെ രജതജൂബിലി ആഘോഷങ്ങള് ഉദ്ഘാടനം ചെയ്തു പ്രസംഗിക്കുകയായിരുന്നു മുഖ്യമന്ത്രി.
മന്ത്രി പി. രാജീവ് അധ്യക്ഷത വഹിച്ചു. പ്രോസിക്യൂഷന് ഡയറക്ടറേറ്റിന്റെ ലോഗോ ഹൈക്കോടതി ചീഫ് ജസ്റ്റീസ് സൗമെന് സെന് ഓണ്ലൈനായി പ്രകാശനം ചെയ്തു.
രജതജൂബിലി സുവനീറിന്റെ കവര് ചിത്ര പ്രകാശനം അഡ്വക്കറ്റ് ജനറല് കെ. ഗോപാലകൃഷ്ണക്കുറുപ്പ് നിര്വഹിച്ചു. ടി.എ. ഷാജി, കെ.കെ. ഫരീദ മജീദ് തുടങ്ങിയവര് പങ്കെടുത്തു.